💐💐 दीपावली विशेष लेख व शुभेच्छा 💐💐

” आपली लोकशाही “ मराठी न्युज पोर्टल च्या माध्यमातून आपल्या सर्व वाचकांना सर्वप्रथम दीपावली च्या मनःपूर्वक हार्दिक हार्दिक शुभेच्छा ! तब्बल दोन वर्षांच्या नंतर निर्बंधमुक्त दिवाळी साजरी होत आहे. याचा आनंद बच्चे कंपनीच्या बरोबर सर्वसामान्य नागरिक व व्यापारी वर्गाला आहेच. सध्या बाजारपेठेत दिवाळी च्या खरेदीसाठी तेजी दिसत आहे. त्यातच पावसाने उघडीप दिल्याने व्यापाऱ्यांच्या जीवात जीव आला. मागील वर्षी पेक्षा यंदा वाहतुकीच्या खर्चात वाढ झाल्याने फटाके, कपडे, किराणा, विद्युत रोषणाई च्या लाईट व इतर साहित्य महाग झाले असल्याने याच्या झळा नक्कीच लोकांना बसत आहेत. त्यातच यंदाच्या वर्षी मोठ्या प्रमाणावर पाऊस झाल्याने शेतातील उभी पीके आडवी झाल्याने शेतकरी वर्ग मात्र मोठ्या आर्थिक संकटात आहे.

एकीकडे शेतातील सोयाबीन, कापूस व इतर पिके वाया गेली असल्याने शेतकऱ्यांची दिवाळी अंधारात साजरी होत असल्याचे चित्र आहे. सरकारने शेतकऱ्यांना आर्थिक मदत केल्यास काही अंशी का होईना त्यांच्या घरातील मुलांची दिवाळी आनंदी होईल यात शंका नाही. आता दिवाळी साजरी करत असताना दिवाळी सणाची माहिती घेयुयात :-

दिवाळी सण कसा साजरा करतात ?:-
दिवाळी हा सर्वात मोठा सण असल्यामुळे मोठ्या उत्साहात व आनंदाने संपूर्ण भारत देशात हा सण साजरा करण्यात येतो. दिवाळीमध्ये सर्वत्र दिवे लावले जातात आकाश कंदील लावला जातो. दिवाळीमध्ये लावण्यात येणारे दीप हे मांगल्याचे प्रतीक समजली जाते. मोठमोठ्या रांगोळ्या घरासमोर काढण्यात येतात. त्या रांगोळीवर दिवा ठेवण्यात येतो. घराला लाइटिंग लावण्यात येते. तसेच घराला खिडक्याला फुलांची तोरण बांधण्यात येतात. दिवाळी या सणाच्या दिवशी पुरणपोळी करण्यात येते. दिवाळी या सणांमध्ये महाराष्ट्रात पुरणपोळीला मान आहे. सर्वांच्या घरी दिवाळीच्या दिवशी पुरणपोळी करण्यात येते. त्याचप्रमाणे दिवाळीमध्ये फटाके फोडण्यात येतात. दिवाळीच्या दिवशी तसेच दिवाळीच्या महिन्यामध्ये एकमेकांना फराळाला बोलावण्याची पद्धत आहे.

काही ठिकाणी सार्वजनिक रित्या फराळाचा कार्यक्रम आयोजित करण्यात येतो. दिवाळीच्या महिन्यामध्ये बाजारपेठा सजवलेल्या असतात. अनेक नवीन वस्तू दिवाळीच्या दिवशी घेण्याची प्रथा आहे. वस्तू खरेदी, करणे नवीन कपडे घेणे, दागिन्यांची खरेदी करणे या गोष्टी दिवाळीमध्ये करण्यात येतात. त्याचप्रमाणे लक्ष्मी मातेच्या मूर्ती दिवाळीमध्ये खरेदी करण्यात येतात आणि दिवाळीच्या दिवशी त्यांची पूजा करण्यात येते. लक्ष्मी देवी ही संपत्तीची देवता आहे. दिवाळी सणाच्या दिवशी संपूर्ण भारत देशात खूप मोठ्या प्रमाणात फटाके फोडण्यात येतात.

नरक चतुर्थी माहिती व महत्त्व :-
दिवाळीमध्ये असणाऱ्या नरक चतुर्थी या दिवसाची सुद्धा एक पौराणिक कथा प्रसिद्ध आहे. नरक चतुर्थीच्या दिवशी भगवान श्रीकृष्णाने नरकासुर या राक्षसाचा वध केला होता. नरकासुर या राक्षसाने ब्रह्मदेवाला तपश्चर्या करून प्रसन्न केले होते, आणि आपल्याला कोणीही मारू शकणार नाही असे वरदान मिळून घेतले होते. नरकासुरला आता कोणीही मारू शकणार नाही त्यामुळे नरकासुराने पृथ्वीवर मोठ्या प्रमाणात हाहाकार माजवला होता.

दिवसेंदिवस नरकासुर हा अतिशय उन्मत्त होत चालला होता. तो आता अनेक राजा महाराजांना पराभूत करू लागला होता. स्त्रियांना बंदी बनवून लागला होता. नरकासुराने सोळा हजार स्त्रियांना पळवून आणून बंदी बनवले होते. भगवान श्रीकृष्णाने सर्वांना नरकासुराच्या जन्मापासून अत्याचारापासून मुक्त केले होते. त्यामुळे भगवान श्रीकृष्णाने केलेल्या या कार्यामुळे त्यांचे स्मरण म्हणून हा नरक चतुर्थी दिवस साजरा करण्याचे मानले जाते. नरक चतुर्थीच्या दिवशी अभ्यंग स्नान केल्या जाते.

लक्ष्मीपूजन माहिती व महत्व मराठी :-
दिवाळीमध्ये लक्ष्मीपूजन या दिवसाला खूप महत्त्व आहे. माता लक्ष्मी ही संपत्तीची देवता असते. प्रत्येकाला आपल्या घरामध्ये खूप संपत्ती असावी पैसा असावा असे वाटत असते. अश्विन अमावस्येच्या दिवशी लक्ष्मीपूजन हा दिवस असतो. या दिवशी माता लक्ष्मीची पूजन करण्यात येते. एका पाटावर दागिने तसेच नोटा व माता लक्ष्मीची मूर्ती ठेवून त्यांचे पूजन करण्यात येते. खास करून जे लोक व्यापारी आहेत ते लोक लक्ष्मीपूजन या दिवसाला खूप महत्त्व देतात. व्यापाऱ्यांसाठी लक्ष्मीपूजन हा दिवस खूप महत्त्वाचा मानण्यात येतो.

भाऊबीज माहिती व महत्व :-
दिवाळी या सणांमध्ये साजरा करण्यात येणाऱ्या दिवसांपैकी शेवटचा दिवस म्हणजे भाऊबीज असतो. भाऊबीजेच्या दिवशी बहिण भावाची औक्षण करत असते. तसेच तिच्या भावा करिता फराळाचे पदार्थ बनवून खाऊ घालत असते. औक्षण केल्यानंतर भाऊ तिच्या बहिणीला ओवाळणी म्हणून काही भेटवस्तू देत असतो. भाऊबीज भाऊ आणि बहिणीच्या प्रेमाचा दिवस असतो. त्यामुळे दिवाळीच्या सणांमध्ये भाऊबीजला महत्त्व प्राप्त झालेली आहे.

दिवाळी या सणाचे फायदे :-
दिवाळी हा सण भारतात साजरा करण्यात येणाऱ्या सर्व सणांपैकी सर्वात मोठा सण आहे. दिवाळी हा सण खास करून व्यापारी लोकांकरिता खूप फायदेशीर असतो. कारण की दिवाळीच्या दिवसांमध्ये नवनवीन कपडे घेणे, दागिने खरेदी करणे, दिवे तसेच पणत्या खरेदी करणे, इतर शोभेच्या वस्तू खरेदी करणे इत्यादी गोष्टी मोठ्या प्रमाणात खरेदी केल्या जातात त्यामुळे छोट्या आणि मोठ्या व्यवसायिकांसाठी दिवाळीचे दिवस खूप कमाईचे असतात. दिवाळी या सणामुळे आपल्या शेजारील छोट्या-मोठ्या व्यवसायास चालला मिळते. जसे की लक्ष्मीच्या मूर्ती बनविणारे, दिवे व पणत्या बनविणारे इत्यादी. सर्वांच्या मते प्रेमाची व आपुलकीची भावना निर्माण होते.

दिवाळी या सणानिमित्त संदेश :-
प्रभू श्रीरामांनी 14 वर्षे वनवासात घातले होते. भगवान रामाने रावणावर विजय मिळवून त्याचा पराभव करून त्याचा अहंकार नष्ट करून भगवान राम हे दिवाळीच्या दिवशी त्यांच्या वडिलांना दिलेल्या आज्ञेचे पालन करण्याकरिता अयोध्येत परतले होते. त्याचप्रमाणे आपण सुद्धा आपल्या आयुष्यामध्ये मोठ्यांचा तसेच आई-वडिलांचा आदर केला पाहिजे. घरच्यांच्या आज्ञेचे पालन केले पाहिजे. त्याचप्रमाणे दिवाळी या सणांमध्ये लावण्यात येणारे दिवे हे लावल्यामुळे अंधकार दूर होऊन तेजोमय प्रकाश निर्माण होतो. भेदभाव, लोभ, क्रोध व असत्य यांना आपण आपल्या आयुष्यामधून दूर ठेवले पाहिजे. ज्याप्रमाणे दिवा स्वतःजवळ अंधार ठेवतो परंतु इतरांना प्रकाश देतो त्याच प्रकारचे आपले आचरण असले पाहिजे.

दिवाळी म्हणजेच दीपावली या सना विषयीची ही माहिती तुम्हाला नक्कीच आवडली असेल अशी आशा व्यक्त करतो. तुम्हा सर्वांना दिवाळी या सणाच्या हार्दिक हार्दिक शुभेच्छा. तुमची दिवाळी आनंदाने साजरी व्हावी, हीच प्रार्थना.