गजानन गव्हाणे पाटील
जनहित सोशल फाउंडेशन चे अध्यक्ष व पुणे जिल्हा भाजपा चे उपाध्यक्ष प्रवीण नाना काळभोर यांच्या वाढदिवसानिमित्त उद्या दि. 25 व 26 सप्टेंबर रोजी विविध सामाजिक उपक्रम राबविण्यात येणार असल्याचे फाउंडेशन चे उपाध्यक्ष व भाजपा चे शहराध्यक्ष विशाल गुजर यांनी सांगितले.
फाउंडेशन च्या माध्यमातून विविध सामाजिक उपक्रम दरवर्षी मोठ्या प्रमाणावर राबविण्यात येतात. याचाच एक भाग म्हणून प्रवीण नाना काळभोर यांच्या वाढदिवसाचे औचित्य साधत 25 सप्टेंबर रोजी मोफत महा आरोग्य तपासणी व नेत्र तपासणी तज्ञ डॉक्टरांच्या मार्गदर्शनाखाली करण्यात येणार आहे. तसेच रुग्णांना मोफत चष्मे वाटप करण्यात येणार आहे. तसेच दि. 25 व 26 रोजी मोफत आधार कार्ड शिबिराचे आयोजन करण्यात आले आहे.
सदर उपक्रम एंजल हायस्कूल, संभाजीनगर, कदम वाकवस्ती या ठिकाणी सकाळी 10 ते 5 वाजेपर्यंत होणार आहे. तरी या उपक्रमात जास्तीत जास्त नागरिकांनी सहभागी व्हावे असे आवाहन जनहित फाउंडेशन च्या माध्यमातून करण्यात आले आहे.
