गजानन गव्हाणे पाटील
हवेली तालुक्यातील लोणीकंद येथील पुणे जिल्हा परिषदेचे माजी अध्यक्ष तसेच पीडीसीसी बँकेचे संचालक प्रदीपदादा विद्याधर कंद यांच्या ५४ व्या वाढदिवसाच्या निमित्ताने एक अनोखी प्रश्नमंजुषा स्पर्धा आयोजित करण्यात आली आहे. पै. संदीप भोंडवे यांच्या पुढाकाराने आयोजित या स्पर्धेमध्ये घरबसल्या सहभागी होता येणार असून भाग्यशाली विजेत्यांना दररोज एक भव्य पैठणी साडी बक्षीस म्हणून देण्यात येणार आहे.
८ मेपासून सलग ५४ दिवस दररोज रात्री ८ वाजता स्पर्धकांना त्यांच्या मोबाईलवर एक प्रश्न पाठविण्यात येईल. प्रत्येक प्रश्नासोबत चार पर्याय देण्यात येणार असून योग्य उत्तराचा क्रमांक कमीत कमी वेळेत पाठवणाऱ्या स्पर्धकास दिवसभरातील विजेता घोषित करण्यात येईल व पैठणी साडी प्रदान केली जाईल.
स्पर्धेत सहभागी होण्यासाठी इच्छुकांनी आपले नाव, गाव व व्हॉट्सअॅप क्रमांक ८९५६१४४९९१ या मोबाईल नंबरवर टेक्स्ट मेसेजद्वारे पाठवणे आवश्यक आहे. स्पर्धेत सहभाग फक्त शिरूर-हवेली विधानसभा मतदारसंघातील नागरिकांसाठी मर्यादित आहे.
“घरबसल्या पैठणी जिंकण्याची सुवर्णसंधी मिळवण्यासाठी सर्वांनी उत्स्फूर्त सहभाग नोंदवावा,” असे आवाहन क्रीडा आघाडी महाराष्ट्र प्रदेशाचे अध्यक्ष पै. संदीप उत्तमराव भोंडवे यांनी केले आहे.
