सरपंच संदीप ढेरंगे यांच्या पाठपुराव्याला यश
गजानन गव्हाणे पाटील
कोरेगाव भिमा, ता. शिरूर येथील ग्राम पंचायत व सरपंच संदिप ढेरंगे यांच्या माध्यमातून चांगली विकास कामे सुरू असून ४५ दिव्यांग बांधवांना ३२ लाखांचा निधी वितरीत करण्यात आला. कोरेगाव भीमात पावसाचे पाणी साठून वाहतूक कोंडी होऊ नये यासाठी कायमस्वरूपी उपाय केल्याचे समाधान वाटत असल्याचे मत आमदार अशोक पवार यांनी दिव्यांग निधी वितरण कार्यक्रम प्रसंगी व्यक्त केले.
या प्रसंगी प्रसंगी गटविकास अधिकारी महेश डोके, प्रहार संघटनेचे पश्चिम महाराष्ट्राचे धर्मेंद्र सातव, अनिता कदम, सरपंच संदीप ढेरंगे, पंचायत समितीचे माजी सदस्य पी. के. गव्हाणे यांच्या प्रमुख उपस्थित निधी वितरीत करण्यात आला.
आमदार अशोक पवार यांच्या हस्ते दिव्यांग बांधवांना २०१८ ते २०२४ पर्यंतचा ३२ लाख रुपयांचा दिव्यांगाचा निधीचे वाटप सरपंच संदिप ढेरंगे यांच्या माध्यामातून वाटप करण्यात आले. यावेळी दिव्यांग बांधवांना फेटा बांधून स्वागत करण्यात आले तर प्रास्ताविकात ग्रामविकास अधिकारी श्रीकांत वाव्हळ यांनी दिव्यांगांना देण्यात येणाऱ्या ५ टक्के लाभाची माहिती दिली.
कार्यक्रमाचे सूत्रसंचालन मधुकर कंद यांनी केले. यावेळी विकास सोसायटीचे चेअरमन अशोक गव्हाणे, माजी सरपंच विजय गव्हाणे, बबुशा ढेरंगे, ग्रामपंचायत सदस्या रेखा ढेरंगे, जयश्री गव्हाणे, माजी सदस्या अंजली ढेरंगे, ग्राम विकास अधिकारी सदानंद फडतरे, नितिन गव्हाणे, राहुल ढेरंगे, रवींद्र फडतरे, जयकांत देशमुख, ग्रामपंचायत कर्मचारी संघटनेचे अध्यक्ष सुरेश भांडवलकर व दिव्यांग बांधव मोठ्या संख्येने उपस्थित होते.
दिव्यांग बांधवांच्या २०१८ ते २०२४ असा ३२ लाखांचा निधी वितरीत केल्याचा मनोमन आनंद होत असून त्यांच्या सर्वांगीण विकासासाठी प्रयत्न करणार असून गावचा सर्वांगीण विकास हाच ध्यास घेऊन विकासाची कामे करण्यात येत आहे.
– आदर्श सरपंच संदिप ढेरंगे, ग्रामपंचायत कोरेगाव भिमा
