गजानन गव्हाणे पाटील
कोरेगाव भिमा, ता. शिरूर येथील हनुमान.मंदिरात श्रीकृष्ण जन्माष्टमी मोठ्या उत्साहात व पारंपारिक पद्धतीने साजरी करण्यात आली. यावेळी संपूर्ण मंदिर परिसर श्रीकृष्ण जन्माच्या स्वागतासाठी सज्ज झाला होता.
हनुमान मंदिराला आकर्षण विद्युत रोषणाई करण्यात आली तर फुलांची सजावट देखील लक्षवेधी होती. याप्रसंगी फुलांनी सजविलेल्या पाळण्यात श्रीकृष्णाचा पाळणा म्हणण्यात आला. तसेच माऊली भजनी मंडळाच्या माध्यमातून भजन, गवळणी सादर करण्यात आल्या.
यावेळी आरती व प्रसादाचे वाटप करत सांगता करण्यात आली. या उत्सवात गावातील व पंचक्रोशीतील असंख्य भाविक उपस्थित होते.
