गजानन गव्हाणे पाटील
कोरेगाव भीमा ता. शिरूर येथील ग्रामदैवत श्री भैरवनाथ महाराजांची चैत्र वद्य सप्तमी व अष्टमीची यात्रा उद्या दिनांक ३० एप्रिल व एक मे रोजी साजरी करण्यात येणार आहे. या निमित्त भरगच्च कार्यक्रमाचे आयोजन करण्यात आले असल्याची माहिती यात्रा कमिटीच्या वतीने देण्यात आली.
सकाळी आठ वाजता श्रीं ची महापूजा हार तुरे तसेच पालखी मिरवणूक बँड व ढोल ताशांच्या पारंपारिक वाद्य निघणार आहे. सकाळी ११ ते सायंकाळी ४ पर्यंत माऊली भजनी मंडळ, सिद्धेश्वर भजनी मंडळ व महिला भजनी मंडळ यांच्या संगीत भजनाच्या कार्यक्रमाचे आयोजन भैरवनाथ मंदिर परिसरात करण्यात आले आहे.
तर रात्री नऊ वाजता लावणी सम्राज्ञी साधना पुणेकर – अस्मिता पुणेकर यांचा ” नाद करायचा नाय ” या लावण्यांचा कार्यक्रम होणार आहे. तर बुधवार दिनांक एक मे रोजी रात्री ९ वाजता अमर पुणेकर निर्मित ” नटखट सुंदर ” या कार्यक्रमाचे आयोजन करण्यात आले आहे
