लोणीकंद प्रतिनिधी : पोपट मांजरे
वाजेवाडी अंतर्गत मांजरेवाडी ता. शिरूर येथे जिल्हा परिषद पुणे, पंचायत समिती शिरूर, ग्रामविकास विभागीय व जलसंधारण विभागाच्या अंतर्गत जलशुद्धीकरण यंत्र (R.O.) बसविण्याचे भूमिपूजन सरपंच मोहन वाजे यांच्या हस्ते झाले.
यावेळी ग्रामसेवक संजय खेडकर,राजू मांजरे, किसन मांजरे, जगदीश तिखे, बाळासाहेब सोनवणे, शंकर लोहोट, नानाभाऊ भोर,मुरहारी वाजे,उत्तम बढे,बाळासाहेब शिंदे, जिल्हा परिषद प्राथमिक शाळेचे शिक्षक दत्तात्रय गायकवाड आदी ग्रामस्थ उपस्थित होते.
या प्रकल्पाद्वारे मांजरेवाडीच्या ५०० नागरिकाला शुद्ध पाणी मिळणे हा त्यांचा मुलभुत हक्क आहे. पावसाळ्यात पाऊस पडल्याने पाणी अशुध्द होऊन व रोगराई पसरते. शुद्ध पाण्याने नागरीकांचे आरोग्य चांगले राहील.या प्रकल्पासाठी ९,९९,०४७ निधी मंजूर झाला असल्याचे वाजेवाडी चे सरपंच मोहन वाजे यांनी आपली लोकशाही शी बोलताना सांगितले.
सूत्रसंचालन अण्णा मांजरे यांनी केले तर आभार उपसरपंच अनिता शिंदे यांनी मानले.
