हिरडस मावळ प्रतिनिधी : दिपक पारठे
आषाढी एकादशी निमित्त मौजे हिर्डोशी – धामणदेव वाडी येथे विठ्ठल रुख्मिणी मंदिरात भव्य दिव्य असा उत्सव साजरा करण्यात आला. सकाळी अभिषेक, महाआरती, व फराळ वाटप करण्यात आल्या नंतर दुपारी सुस्वर संगीत भजन झाले. विठुरायाच्या गजरात संपूर्ण परिसर दुमदुमून गेला.
तसेच सायंकाळी झी टॉकीज फेम संस्थापक ह. भ. प. राहुल महाराज पारठे यांनी स्थापन केलेल्या अध्यात्मिक वारकरी शिक्षण संस्था आपटी येथील लहान मुलांचा हरिपाठ झाला आणि रात्री याच संस्थेत शिकत असणारा संस्थेतील विद्यार्थी कुमार ढवळे यांचे सुश्राव्य असे हरिकीर्तन झाले व रात्री सुस्वर संगीत भजनाचा देखील कार्यक्रम पार पडला.
अशा प्रकारे कार्यक्रम साजरा करण्याचे हे चौथे वर्ष असून दरवर्षी नित्य नियमाने आषाढी एकादशीचा कार्यक्रम हिर्डोशी – धामणदेव वाडी येथे साजरा होत असतो. या कार्यक्रमासाठी ग्रामस्थ व महिलावर्ग बहुसंख्येने उपस्थित होते.
