गजानन गव्हाणे पाटील
कोरेगाव भीमा, ता. शिरुर येथील फ्रेंड्स एजुकेशन इंस्टिट्युट संचालित फ्रेंड्स नर्सरी, प्रायमरी आणि सेकंडरी स्कुलच्या विद्यार्थ्यांनी आज फुगडी, भजन म्हणत व रिंगणही करीत आषाढी पालखी सोहळा साकारला.
शाळेपासून विठू नामाच्या गजरात वाजत गाजत निघालेल्या या दिंडीत विद्यार्थ्यांनी फुगडी, भजन व रिंगण करत कार्यक्रमाची रंगत आणखी वाढविली. तर संस्थेचे संचालक व शाळेतील शिक्षकवृंदानेही अत्यंत शिस्तीत कार्यक्रमाचे उत्कृष्ट नियोजन केले. या कार्यक्रमात स्थानिक नागरिकांनीही सहभाग घेत विद्यार्थ्यांना प्रोत्साहित केले.
संस्थेचे अध्यक्ष राजाराम ढेरंगे, उपाध्यक्ष प्रकाश खैरमोडे, सचिव दिलीप भोसले, संचालक रामदास सव्वाशे आदींनी पालखीचे पूजन व आरती केली. मुख्याध्यापक एम. एन. हराळ यांनीही विद्यार्थ्याना आषाढी एकादशीचे महत्व पटवून दिले.
