‘जागरूक पालक सदृढ बालक’ मोहिमेची जिल्हा आरोग्य अधिकाऱ्यांनी केसनंद येथे दिली माहिती

गजानन गव्हाणे पाटील
वाघोली प्राथमिक आरोग्य केंद्र अंतर्गत केसनंद उपकेंद्र येथील ज्ञानांकुर इंग्लिश स्कूल येथे सुरु असलेल्या जागरूक पालक सदृढ बालक मोहिमे अंतर्गत सनियंत्रण व देखरेखसाठी जिल्हा आरोग्य अधिकारी डॉ. भगवान पवार व जिल्हा शल्य चिकित्सक डॉ. नागनाथ यमपल्ले यांनी गुरुवारी (दि.२३) भेट देऊन मोहिमेविषयी सविस्तर माहिती दिली. पुणे जिल्हा परिषदेचे आरोग्य अधिकारीही यावेळी उपस्थित होते.

जागरूक पालक सदृढ बालक मोहिमेअंतर्गत ० ते १८ वयोगटातील सर्व मुले-मुली यांची शाळेत जाऊन आरोग्य तपासणी होणार आहे. गंभीर आजारी असणाऱ्या मुलांना संदर्भित सेवा तसेच मोफत उपचार व गरज पडल्यास शस्त्रक्रिया केल्या जातील. भेटीदरम्यान वाघोली प्राथमिक आरोग्य केंद्राचे वैद्यकीय अधिकारी डॉ. नागसेन लोखंडे व त्यांचे पथक केसनंद ग्रामस्थ उपस्थित होते.