शिरुर प्रतिनिधी-शकील मणियार
रयतेचे राजे छञपती शिवाजी महाराज यांच्या जयंतीचे औचित्यसाधुन शिवजयंतीच्या निमित्ताने “आम्ही मुस्लिम मावळे छञपती शिवाजी महाराजांचे” शिरूर तालुक्याच्या वतीने वस्तीग्रहातील वंचित गोरगरिब मुलांना मिठाईचे वाटप,निबंध स्पर्धा,व्याख्यान आदि कार्यक्रमाचे आयोजन करण्यात आले असुन शिवभक्तांनी याचा लाभ घ्यावा असे आव्हान मुस्लिम मावळ्यांनी केले आहे.
छञपती शिवाजी महाराजांच्या सैन्यांमध्ये अनेक मुस्लिम मावळे प्रामाणिकपणे उल्लेखनीय काम करित होते, छत्रपती शिवाजी महाराजांच्या अंगरक्षकांमध्ये बहुसंख्य मुस्लिम होते. महाराजांच्या फौजेतही अनेक मुस्लिमांनी शौर्य गाजविले. महाराजांनी कधीही हिंदू मुसलमान असा भेदभाव केला नाही. महाराजांनी प्रत्येक जाती-धर्माचा नेहमी आदर केला आहे.
मुस्लिम समाजातील नव्या पिढिला छञपती शिवाजी महाराजांची ओळख व्हावी तसेच महाराजांचा खरा इतिहास मुस्लिम समाजाला घेता येईल या उद्देशाने या कार्यक्रमाचे आयोजन केल्याची माहिती रिजवान बागवान शकील मणियार यांनी दिली.
हा कार्यक्रम पुणे-अहमदनगर महामार्गावरील कासारी फाटा येथील आर्शिर्वाद ट्रष्ट संचलित गुरूकुल वस्तीग्रहामध्ये शिवजयंती च्या दिवशीच सायंकाळी ५ वाजता आयोजित केला असुन प्रमुख मान्यवरांच्या उपस्थितीमध्ये हा कार्यक्रम होणार असुन परिसरातील शिवभक्तांनी, शिवप्रेमींनी, मुस्लिम मावळ्यांनी या कार्यक्रमाला मोठ्या संख्येंने उपस्थित राहण्याचे आव्हान रिजवान बागवान व शकील मणियार यांनी केले आहे.
