गजानन गव्हाणे पाटील
शिरुर तालुका भूमाता ब्रिगेड च्या मुख्य कार्यालयाचे लोकार्पण उद्या. दि. 20 रोजी शिक्रापूर (सासवडे कॉम्प्लेक्स, चाकण चौक) येथे ब्रिगेड च्या अध्यक्षा तृप्ती देसाई यांच्या हस्ते होणार असल्याची माहिती भूमाता ब्रिगेड च्या तालुकाध्यक्षा मंगल सासवडे यांनी आपली लोकशाहीस दिली.
यावेळी शिरुर हवेली चे आमदार अशोक पवार, ऊर्जा दूध समूहाचे अध्यक्ष प्रकाश कुतवळ, जिल्हा परिषद सदस्या कुसुम मांढरे, सरपंच रमेश गडदे, शिक्रापूरचे पोलीस निरीक्षक हेमंत शेडगे, लोणीकंद चे पोलीस निरीक्षक गजानन पवार, समन्वयक प्रमोद कुतवळ, उद्योजक अरुण गायकवाड, गणेश बाफना तसेच भूमाता ब्रिगेड चे अनेक पदाधिकारी उपस्थित राहणार आहेत.
महिला वर्गासाठी आरोग्य तपासणी शिबिर व हळदी कुंकू समारंभाचे आयोजन करण्यात आले आहे. तरी या वेळी मोठ्या संख्येने महिलांनी व मान्यवरांनी उपस्थित रहावे असे आवाहन शिरुर तालुका भूमाता ब्रिगेड च्या अध्यक्षा मंगल सासवडे यांनी केले आहे.
