गजानन गव्हाणे पाटील
नवीन वर्षातील पहिल्याच मकरसंक्रांतीचा सण कोरेगाव भीमा व परिसरातील गावांमध्ये मोठ्या उत्साहात व आनंदाच्या वातावरणात साजरा करण्यात आला. निर्बंध मुक्त सण साजरा होत असल्याने कोरेगाव भीमातील बाजारपेठेत महिलांनी खरेदी साठी मोठी गर्दी केल्याचे चित्र होते.
मकरसंक्रांतीच्या दिवशी वाण, तिळगुळ घेण्यासाठी लोकांनी बाजारपेठेत मोठी गर्दी केली होती. सकाळपासून महिला, नववधू व मुली साड्या नेसून गावातील देवतांना ओवसत होत्या. कोरेगाव भीमाचे ग्रामदैवत भैरवनाथ महाराज देवस्थान, मारुती मंदिर, खंडोबा मंदिर, विविध चौकातील गणपती च्या मंदिरात ही महिलांची दिवसभर गर्दी होती. अनेक लहान थोर आपली परंपरा कायम राखत एकमेकांना तिळगुळ घ्या गोड गोड बोला म्हणत तिळगुळ देत असल्याचे सर्रास चित्र सर्वकडे होते.
