गजानन गव्हाणे पाटील
पुणे महानगर परिवहन महामंडळाकडून दि. १ जानेवारी २०२३ रोजी पेरणे येथील विजयस्तंभ मानवंदना कार्यक्रमासाठी विशेष बससेवेचे नियोजन करण्यात आले आहे.
पेरणे येथे विजयस्तंभास मानवंदना देण्यासाठी राज्यातून तसेच व व पिंपरी चिंचवड शहर व ग्रामीण भागातून मोठ्या प्रमाणात अनुयायी येत असतात. या अनुयायांच्या सोयीसाठी तसेच जादा प्रवासी संख्या विचारात घेत पीएमपीएमल प्रशासनाच्या वतीने 31 डिसेंबर व 1 जानेवारी रोजी जादा बसेस चे नियोजन करण्यात आले आहे.
31 डिसेंबर रात्री 9 ते 1 जानेवारी सकाळी 6 वाजेपर्यंत तुळापूर फाटा, लोणीकंद कुस्ती मैदान येथून 40 बसेस, वढू फाटा (इनामदार हॉस्पिटल) ते वढू बुद्रुक 5 बस, तोरणा हॉटेल (शिक्रापूर) ते कोरेगाव भीमा 35 बसेस अशा एकूण 80 बसेस मोफत (विना तिकीट) असणार आहेत. तसेच 1 जानेवारी रोजी सकाळी 6 ते रात्री 10 पर्यंत तुळापूर फाटा, लोणीकंद कुस्ती मैदान, खंडोबाचा माळ, फुलगाव शाळा ते पेरणे टोल नाका 140 बसेस तर शिक्रापूर तोरणा हॉटेल ते कोरेगाव भीमा 115 बसेस आणि वढू फाटा ते वढू बुद्रुक पर्यंत 25 बसेस अशा एकूण 280 बसेस मोफत (विनातिकीट) बसेस चे नियोजन करण्यात आले आहे.
तसेच पुणे व पिंपरी चिंचवड शहरातील विविध स्थानकांवरून प्रवास भाडे आकारणी करून जादा बसेसचे देखील देखील करण्यात आले आहे.
